कांग्रेस नेता पुरुषोत्तम बस्नेतको निधन

नेपाली कांग्रेसका नेता पुरुषोत्तम बस्नेतको निधन भएको छ। लामो समयदेखि बिरामी रहेका बस्नेतको ७८ वर्षको उमेरमा आज निधन भएको हो।

विसं २००२ मंसिर १ गते सोलुखुम्बुको लिखुपिके गाउँपालिकामा जन्मिएका बस्नेतले मुलुकमा लोकतन्त्र स्थापनाका लागि भएका सङ्घर्षका क्रममा ९ वर्ष जेल जीवन बिताएका थिए।

बस्नेत विपी कोइराला स्मृति ट्रष्टका कोषाध्यक्ष थिए।उनको पार्थिव शरिर श्रद्धाञ्जलिका लागि पशुपति क्षेत्रमा राखिने र अत्येष्टि गरिने ट्रष्टले जनाएको छ।