प्रधानमन्त्री प्रचण्ड माथि परेको रिटको सुनुवाइ आज 

प्रधानमन्त्री पुष्पकमल दाहाल ‘प्रचण्ड’ विरुद्ध दायर भएको रिटमा आज सुनुवाइ हुने भएको छ। सर्वोच्च अदालतमा दायर रिट न्यायाधीश विश्वम्भर श्रेष्ठको एकल इजलासमा परेको छ ।रिटको इजलास चौथो क्रममा रहेको छ ।

३ वर्ष अघि टुँडिखेलमा भएको एक कार्यक्रममा सार्वजनिक रूपमै सशस्त्र द्वन्द्वमा मारिएका १७ हजारमध्ये  १२ हजार तत्कालीन राज्य पक्षले जिम्मा लिने हो भने ५ हजार जनाको  आफूले जिम्मा लिने अभिव्यक्ति दिएका थिए । 

प्रचण्डको त्यही अभिव्यक्तिलाई आधार बनाएर अधिवक्ता ज्ञानेन्द्रराज आरण र द्वन्द्वपीडित कल्याण बुढाथोकीले गत मङ्गलवार दायर गरेको रिटमा आज प्रारम्भिक सुनुवाइ हुन हुने भएको छ  । 

द्वन्द्वकालीन समयका कतिपय मुद्दाको टुंगो सत्यनिरुपण तथा मेलमिलाप आयोग द्वारा हल गरिनु पर्ने माओवादीले बताउँदै आएको छ। यसै गरी मुद्दा लगाउँदै जाँदा देश द्वन्द्वमा फस्ने केही विश्लेषकहरूले बताएका छन्।