रेडियो नेपालकी पूर्व समाचार सम्पादक कृष्णा ताम्राकारको निधन

लामो समय रेडियो नेपालमा समाचार बाचन गरेकी पत्रकार कृष्णा ताम्राकारको निधन भएको छ। केहीदिनदेखि अन्नपूर्ण न्युरो अस्पतालमा उपचार गरिरहेकी ताम्राकारको ८६ वर्षको उमेरमा हिजो बेलुका निधन भएको हो। निमोनिया भएपछि अस्पताल भर्ना भएकी थिइन्।

काभ्रेको बनेपामा जन्मिएकी उनी रेडियो नेपालकी पूर्व समाचार सम्पादक समेत हुन्। रेडियो नेपालमा उनले संचालन गर्ने ‘नासो’ कार्यक्रम जनमनमा गुञ्जिरहेको छ।

उनले २०१८ सालदेखि रेडियो नेपालमा काम गरेकी थिइन्। करिब ६० वर्ष रेडियोमा काम गरेकी ताम्राकारले रेडियो नेपालबाट २०४९ सालमा अवकाश लिएकी थिइन्।