सत्ता गठबन्धनमा भएन सहमती, उपराष्ट्रपतिमा ३ जनाको मनोनयन दर्ता हुने
सत्ता गठबन्धनको आज बैठक साझा उम्मेदवार छनोट गर्न असफल भएको छ। बैठकले निर्णय गर्न नसक्दा गठबन्धनको तर्फबाट ३ जनाको उम्मेदवारी दर्ता हुने भएको हो ।
जनता समाजवादी पार्टी (जसपा)ले महिला र पुरुष दुवै उम्मेदवार दर्ता गर्ने भएको छ भने र जनमत पार्टीले महिला उम्मेदवारको नाम मनोनयन गर्ने भएको हो। यता नागरिक उन्मुक्ति पार्टीले पनि आफ्नो दलको तर्फबाट दावी गर्दै आएको छ।
![](https://www.anzkhabar.com.au/wp-content/uploads/2023/03/8-dal1678500336-1024x593.jpg)
प्रधानमन्त्री निवास, बालुवाटारमा बसेको १० दलको बैठकले जनता समाजवादी पार्टी (जसपा)बाट दुई जना (पुरुष र महिला) उम्मेदवार दर्ता गर्ने निर्णय गरेको छ । पुरुषमा रामसहाय यादव र महिलामा प्रमिला यादवको नाम मोनयन गर्ने भएको हो । सत्तारुढ गठबन्धनमा रहेको जनमत पार्टीले महिला उम्मेदवार ममता झालाई उठाउने निर्णय गरेको छ।
आजको बैठकले निर्णय गर्न नसक्दा भोलि पुन: बैठक बसेर साझा उम्मेदवार बनाउने कोशिस हुने बैठकमा सहभागी नेताहरूले बताएका छन् ।
तपाइँको प्रतिक्रिया