सोमबार, असार ४, २०८१ |Mon Jun, 2024
अक्ल्याण्डको समय: १३:०३ |सिड्नीको समय: ११:०३ |काठमाडौंको समय: ०६:४८

काठमाडौँ उपत्यकाको ट्राफिक जाँचमा कडाइ

एएनजेड खबरमार्च ६, २०२३

होली पर्वलाई मध्यनजर गरी काठमाडौँ उपत्यकाको ट्राफिक जाँचमा कडाइ गरिएको छ ।

आज उपत्यकामा युवायुवतीले होली पर्व मनाउने क्रममा मादक पदार्थ सेवन गरेर तथा ट्राफिक नियम उल्लङ्घन गरेर सवारी हाँक्नसक्ने भएकाले ट्राफिक प्रहरीले जाँचमा कडाइ गरेको हो ।

काठमाडौँका विभिन्न ६८ ठाउँमा ‘चेक पोइन्ट’ राखिएको प्रहरीले जनाएको छ । यसैगरी विभिन्न १९ ठाउँमा मोबाइल भ्यानले नियमित गस्ती पनि गरिरहेको जनाइएको छ ।

होली पर्वलाई दुर्घटनारहित, सुरक्षित र मर्यादित बनाउने उद्देश्यले उपत्यकाका सबै नाकासहित विभिन्न ठाउँमा ‘चेक पोइन्ट’ राखिएको उपत्यका ट्राफिक प्रहरी कार्यालयले जनाएको छ । मादक पदार्थ सेवन गरेर तथा ट्राफिक नियम उल्लङ्घन गरी तीव्र गतिमा सवारी हाँक्नेलाई कारबाही गरिएको उपत्यका ट्राफिक प्रहरी कार्यालयले जानकारी दिएको हो ।

तपाइँको प्रतिक्रिया